BURJU MARSIMATUA

Tinggalhononmu ma boru
Hami natua-tua mon
Ai nungga ro be rokkap mi
Na tinodo ni rohami
Borhat ma ho tiur ma langka mi
Manang didia pe marhuta ho muse

Di tangiang hu ma boru
Hita mardomu hasian
Ihuthonon mu nama i helakku sinadopan mi
Horas maho uli nang nipimi
Digomgom tondiki ditumpak Tuhan i

Reff:
Tubu ma laklak da inang tubu singkoru
Tubuan anak ho inang tubuan boru
Asa marluga ma hamu disada solu
Mangalului na rikkot dalan ni ngolu

Sai hot maho dihatuaon mi
Tadingkon haposoonmi, tua pangalahom
Malo-malo maho inang marsiadopan
Marsianjuan ma hamu marsada roha
Burju-burju ma ho boru marsimatua
Asa tanda ma ho inang boru ni raja

SALENDANG BENG-BENG

Asom siala ulu ido parbue ni palang
Di toru so tardung-dung timbo na i si alang-alang
Ate-ate na guntur andigan pe marhasonangan
Hutaon mangan so mangan asal ma tulus angan-angan

Reff:

Balik ser-ser ma salendang
Balik ser-ser ma salendang beng-beng
Balik ser-ser ma salendang
Balik ser-ser ma salendang beng-beng

Bulung ni sarindan labe-labe i au jolo
Ito si poriban daparekkeli au jolo
Hotang pulogosi denggan doi baenon harpe
Dongan na pogosi denggan doi donganhu gabe

Reff:

Balik ser-ser ****

Nituhur dakka-dakka angka dek-dek ebengebeng
Mulak-mulak di tangga do anak ni naso marhepeng
Situmbur ni hodong panersermon ma ni sarme-sarme
Sidongan magodang pangarsakmon ma di ate-ate

Reff:

Balik ser-ser ****

Tintin Marangkkup

***
Santabi ma amang, amang raja bolon
Santabi ma inang, inang soripada
Santabi di hamuna
Ontangan dongan ssahuta
Na rot u pesta ujuk
Ni anaknami on

Nunga udur be hami dohot parboru on
Mandapothon hamu tulang ni pangoli on
Na naeng pasahatton
Tintin marangkup on
Na ro tu jolomu na
Na liat na lolo

Bulung na martampuk
Bulung ni si marlasuna
Ni jaloma tintin marangkup
Ni dokma hata pasu-pasu
Dangka ni hau dulang
Bahen panjomuran ni rere
Sai hot do I boru ni tulang
Boru ni ise pe di alap bere
Sai hot do I boru ni tulang
Boru ni ise pe di alap bere

ULOS PANSAMOT

Ulos pansamot on
Ulos na uli si ganjang rambu on
Pasahatonku ma tu ho lae silassapon
Pasahatonku ma tu ho ito pinaribot

Pangidoan tu Tuhan
Marhite-hite ulos pansamot on
Anggiat ma hipas-hipas jala horas-horas
Jala penggeng saur matua hita be

Reff:
Anak mi nungga gabe hela'ku
Boru'ki nunga gabe parumaen'mu
Marsianjuan hita di akka na hurang
Pature hita di akka na hurang denggan

Tapasiding ma parsalisian
Taulahon ma holong na sian Tuhan
Tarahut ma holong na marsihaholongan
Rampak udur hita tu dolok tu toruan